داليا البحيري تروي قصة اختفاء صديقها لسنوات.. والمفاجأة بعد العثور عليه في البصرة

خلال ظهورها في برنامج «عفاريت حسين الإمام»، روت داليا البحيري حكاية غريبة عن صديق طفولتها الذي اختفى لسنوات، قبل أن تصلها معلومات غير متوقعة عن مكان وجوده في مدينة البصرة بالعراق. داليا البحيري تروي قصة اختفاء صديقها لسنوات.. والمفاجأة بعد العثور عليه في البصرة

داليا البحيري ترويداليا البحيري تروي قصة اختفاء صديقها والعثور عليه في البصرة

في حلقة داليا البحيري في برنامج عفاريت حسين الامام كانت بتقول

أنا عندي صديق مقرب من وإحنا صغيرين اتربينا مع بعض، دخلنا المدرسة مع بعض، كبرنا مع بعض، وهو أقرب حد ليا، هو اللي بحكيله كل حاجة

لما كبرنا أنا بقيت موديل وهو بقى مصور صحفي، وبين يوم وليلة يا حسين تحس إن الأرض اتشقت وبلعته، اختفي تمامًا ومعرفناش راح فين، كلمت كل أهله وأصحابه ودورنا في كل مكان ومالوش أي أثر

عدت الأيام والشهور ولما عدت سنة كاملة على إختفاءه، أهله ابتدوا ياخدوا فيه العزا، ولأنه كان ابنهم الوحيد كنت أنا دايمًا علي إتصال بأهله

وفي يوم من الأيام أصحابي البنات خدوني معاهم عشان نقرأ الفنجان، قلتلهم (انتوا عارفين اني مبحبش المواضيع دي وبخاف منها)، بس في الآخر رحت معاهم تسلية يعني

لما رحت معاهم قالولي لازم تقرأي فنجانك زينا، قولت ماشي، المهم السـت اللي بتقرالهم دي كانوا بيقولوها يا “حاجة” بس هي شعرها وشكلها كان غريب أوي، مكانتش مريحة والمكان كله مكنش مريح بالنسبالي

أول ما مسكت فنجاني وشها اتغير وجاب ألوان، وقالت لصحابي سيبونا لوحدنا، أنا خُفت وقولتلها لا أنا مش بخبي حاجة على صحابي

اتكلمي قدامهم، قالتلي لا معلش عايزين نقعد لوحدنا، أنا ركبي خبطت في بعض، فأصحابي قعدوا يطمنوني متخافيش دي “الحاجة” طيبة وسابوني وخرجوا

قالتلي انتي عندك صديق اسمه “فلان الفلاني” ؟

كانت تقصد صاحبي اللي اختفى، أنا استغربت قولتلها اه ، قالتلي انتي بتشوفيه بإستمرار، قولتلها لأ مبشوفوش لأنه مختفي أو متوفي ، قالتلي لأ هو مش متوفي

أول ما قالت كده ابتديت أظبط قعدتي وأركز معاها، قولتلها انتي بتقولي أي كلام وبتلعبي بأعصابي، وخدت شنطني ومشيت، وعاهدت نفسي اني عمري ما أروح لواحدة بتقرأ الفنجان تاني