سميره ومحمود اتدخلوا بسرعة وبيخلصوه من ايده بصعوبة
محمود سيبوا يبني سيبوا انا موافق
مهاب بعد ايده عنه وطلع دفتر الشيكات وكتبلهم المبلغ وقال انا هجيب الماذون دلوقتي حالا وهاخد مراتي وامشي من هنا
وليد لسه هيرد عليه امه اخدته وبعدت عنهم شويه وهى بتهمس اسكت بقا الراجل هيموتك جابته ازاي البت دي ده باين عليه راجل غني اووي ومش سهل طالعه لامها وعامله غلبانه بنت ال…
رد بضيق وڠضب غني ايه وزفت ايه دلوقتي انا مش هخليه يتجوزها دي بتاعتي انا فرح دى ملكى ومحدش هياخدها غيرى حتي لو ھقتلوا
سميره بهمس شياطيني بس يواد ياغبي احنا ناخد الفلوس احسن منها ومنه وبعدين اجبهالك راكعه تحت رجليك وكل اللى انت عايزه هيحصل
وليد بصلها باستغراب وتسأل ده ازاي أن شاء الله وهو هيتحوزها ويمشى
سميره ملكش دعوه مش ليك انك تاخدها اسكت انت بس دلوقتي وانا هتصرف بعدين
هز رأسه بقله حيله وقلق لما نشوف اخرتها
فرح كل ده كانت واقفه ورا الباب مصدومه من اللي بيحصل ومش عارفه تفرح أنها هتخلص من وليد وامه ولا تزعل على الطريقه اللي هو بيشتريها بيها وعمها وافق انه يبعها من غير حتى ما يسألها
وهي لسه على حالهاوشاردة فى تفكيرها دخل عليها عمها
وقرب منها بهدوء فرح انتي اكيد سمعتي كل اللي حصل بره
هزت دماغها بتاكيد
كمل كلامه بصوت كله حزن وانكسار اكيد انتي عارفه اني عايزلك كل خير وانا والله وافقت عليه لانه مهما كان هيكون احسن ميه مره من ابني وانتي عارفه اني مكنتش موافق عع جوازك منه بس ڠصب عني يا بنتي سامحيني
عنيها كانت مليانه دموع بتدل على الحزن والقهر اللى هى فيه بصتله بصمت وهى عارفه أن مفيش اى كلام هتقوله ممكن يغير حاجة
هو فخم انها مش هتتكلم معاه وهو خارج قالها جهزي حاجتك يا بنتي علشان شويه وهتمشي مع جوزك
فكرت فى كلام عمها وانه فعلا مهما كان هيكون احسن كتير من وليد وقررت فعلا انها تستلم للأمر الواقع وتمشي من هنا
وبعد أقل من ساعة كانت مراته رسمى
كل حاجة تمت بسرعة غريبة من غير حتى ما تسوعبها
وكانها كانت فى حلم مفاقتش غير على كلمته وهى فى بيته نورتي بيتك يا عروسه
فرح بصتله بغيظ واتكلمت پغضب عروسه عروسه ايه وبتاع ايه انت صدقت نفسك اني مراتك ولا ايه
مهاب ابتسم واتكلم بسخرية سلامتك انتي كنتي نايمه ولا ايه انتي بقيتي مراتي رسمى خلاص يا قطتى
فرح بتضغط على سنانها بتكتم ڠضبها قربت عليه وهى بتقول بتحذير بقولك ايه انا مراتك على الورق وخلصنا وايااك دماغك توديك فى حته اكتر من كده انا بحذرك اهو
رفع حاجبه فى سخرية وبيمثل الخۏف وفجاءة ضحك بصوت عالي ايه ده انتي طلعتي قطه شرسه بجد بقا بس تصدقي عجبتيني والله
